Deputeti i PD-së, Ervin Salianji ka komentuar deklaratat kryeministrit Edi Rama ku i bëri thirrje SPAK që të hetonte Sali Berishën dhe Ilir Metën.
Salianji tha se Rama dirigjon drejtësinë se për kë duhet të veprojë.
“Kryeministri i një vendi sulmon kundërshtarin e tij politik duke i turrur drejtësinë. Ky zotëri ka 9 vite që është në pushtet dhe bërtet akoma, Berisha, Ilir Meta.
Në këtë vend ndodhi që inceneratori i Fierit vazhdon merr para dhe po ashtu i Tiranës, këta që janë të paprekshmit…
Ku ka influencë më të madhe se të dalë një kryeministër dhe di se kush është prokuror i pavarur, për çfarë drejtësie flasim? Kryeministri dirigjon drejtësinë se ku duhet të veprojë”, tha ai.
Përse Rama po e bën këtë?
Salianji: Për t’ju thënë atyre të jashtmëve partnerëve që nuk ka kontroll mbi SPAK. Pas 9 vitesh të keqqeverisjes institucionet e drejtësisë nuk e çojnë dot deri në fund asnjë hetim.
Ka të drejtë Rama që SPAK nuk heton?
Salianji: Vetëm Rama s’ka të drejtë. Edhe një rast së fundmi i opozitës ishte i përdorur për vota për PS në zgjedhjet e 25 prillit.
Një rast i fundit për një deputet të PD ku ishte një familjar i tij i përshfirë, vota për PS ka mbledhur.
Rama po bënë propagandë dhe ka kontroll. Po të guxoni të prekni këtej nga ne, ju s’kualifikoheni.
