Përfaqësuesja e Maqedonisë së Veriut në Eurovision, Andrea ka bërë një veprim të pahijshëm i cili është bërë viral në mbarë botën.
Andrea Koevska, gjatë ceremonisë së hapjes së festivalit që u mbajt ditën e djeshme po pozonte para fotografëve, ku në një moment hedh flamurin maqedonas në tokë.
Radio Televizioni i Maqedonisë së Veriut ka reaguar ashpër pas veprimit të përfaqësueses së vendit në Eurovision.
Në reagimin publik, thuhet se “shërbimi publik nuk qëndron në asnjë mënyrë pas kësaj sjelljeje skandaloze të përfaqësueses tonë të Eurovizionit, e cila me atë gjest tregoi mosrespektim ndaj simbolit kombëtar, i cili dënohet me ligj. MRT pret që Andrea t’u kërkojë falje qytetarëve për një sjellje të tillë.
Shërbimi publik po shqyrton mundësinë e tërheqjes së saj nga Eurovizioni, ndonëse do të bëhet kujdes që të mos i shkaktohen më shumë dëme MRT-së. Ndaj përgjegjësive në delegacionin maqedonas do të merren të gjitha mundësitë ligjore për sanksionim më të rreptë për këtë skandal.“, thuhet në reagim.
