Deputeti i PD, Enekelejd Alibeaj, pas takimit që zhvilloi me 20 deputetë të kësaj force politike, tha se kushti i vetëm që është artikuluar dhe pranuar nga të gjithë është që Presidenti i ri i vendit të jetë anti-komunist.
“Ndjej një kënaqësi personale që nuk e kam ndjerë ndonjëherë, të gjithë ata që ishin fizikisht, kanë një kusht të panegociueshëm. Presidenti i republikës që do duhet të zgjidhet tashmë si kërkesë nga ana jonë do duhet të jetë një anti-komunist.
Pas 30 vitesh nëpërkëmbje ndaj këtyre shtresave, tashmë është koha që kandidati të japë shenja të forta anti-komunizmi”, tha Alibeaj.
Sipas tij, “kjo është çështja që ka turbulluar shumë mendje në këto ditë, jo të shitur tek Rama jo po të blerë, jo jo jo, ne duam një anti-komunist, jo vetëm ai të jetë i tillë por edhe familja e tij”.
Deklarata
Lidhur me draftin do bëj disa sqarime. Ai është një draft që ka sintetizuar sugjerimet e secilit deputet.
Është e udhës për këdo që të ketë mundësinë, kohën për të studiuar çështjen dhe për të dhënë sugjerimet.
Ajo që unë e kam thënë në titull personal dhe deputetët e thanë fort. Kjo maxhorancë nuk ka legjitimitetin për të vendosur për presidentin e republikës.
Ka tre deputetë non grata, ka dy deputetë pas hekurave. Ka raportin e DASH. Kjo situatë duhet të bëjë të mendojë këdo. Kjo çështje fillon e ngre krye në raste si kjo kur duhet të marrin pjesë për të përfaqësuar së paku gjysmën e shqiptarëve.
Me ndjenjën e lartë të përgjegjësisë deputetët ranë dakord që të marrin pjesë në proces. E para për të hequr çfarëdo lloj gjurme të hidhur të së shkuarës për të cilat jemi bërë disa herë pishman. Pse nuk morën pjesë në reformën zgjedhore dhe territoriale. Është e qartë për secilin nga ne për shkak të vitit 2008, që në raundin e katërt dhe të pestë që presidenti zgjidhet me 71 vota.
Duhet pjesëmarrje substanciale e opozitës në tre raundet e para. Së treti ajo që është më e rëndësishme, këtu ndjej edhe një kënaqësi personale. Ata që ishin aty kanë një kusht të panegociueshëm. Presidenti republikës i Shqipërisë ë duhet të zgjidhet qëndron në faktin që duhet të jetë një anti komunist. Ky vend pas 30 vitesh nëpërkëmbje, duhet së pari të japë një shenjë të fortë energjike që presidentin ta ketë anti komunist. Kjo është çështja që ka turbulluar shumë mendje.
Mua nuk më kanë shkarkuar asnjë. Unë jam Kryetari i Grupit Parlamentar i PD-së. Biles mua më kanë shkarkuar disa herë, por unë jam kryetari i grupit parlamentar. I njoh shumë mirë procedurat.
