Policia e Tiranës ka arrestuar një person lidhur me aksidentin e ndodhur mesditën e sotme në Tiranë, ku mbetën të plagosur një çift dhe foshnja e tyre 3-muajshe.
Nuk dihet nëse i arrestuari ishte pasagjer në mjetin që shkaktoi aksidentin, apo është drejtuesi i mjetit, i cili u largua nga vendi i ngjarjes dhe la makinën në trotuar.
Sipas raportimeve, në drejtimin e automjetit Benz G-Class që shkaktoi aksidentin, ishte Ajas Sulejmeni, 39 vjeç.
Raportimet lidhur me ngjarjen janë kontradiktore përsa i takon personit të arrestuar, ndërsa policia ende nuk ka dhënë një njoftim zyrtar.
