Tirana fitoi pasditen e sotme në “Elbasan Arena” derbin me Partizanin me rezultatin 2-1, duke u shpallur matematikisht kampione e Superiores.
Ky ishte titulli i 26-të për bardheblutë, që janë më të titulluarit në futbollin shqiptar. Menjëherë ka ardhur urimi i presidentit të Federatës Shqiptare të Futbollit, Armand Duka, i cili përgëzon klubin e Tiranës për suksesin e arritur.
Postimi i plotë i Dukës
“Urime Tirana!
Të dashur miq,
Dua t’i shpreh urimet më të mira KF Tirana për titullin e 26-të kampion. Sot është një ditë e merituar feste për lojtarët, stafin teknik, drejtuesit dhe tifozët. Një rrugëtim plot emocione në një kampionat me të vërtetë të bukur ku ende shumë enigma janë për tu zbardhur.
Më e bukura është përpara dhe klubi duhet të fillojë punën nga nesër për të nderuar futbollin shqiptar në arenën ndërkombëtare”.
