Dy reperët e famshëm shqiptarë, Unikkatil dhe Fero, kanë nisur një sherr në rrjete sociale dhe gjithçka nisi me publikimin e këngës së re të Unikkatil me titull “Po eci”, që shënon rikthimin e tij në muzikë pas dy vitesh.
Pas publikimit të këngës, në rrjetet sociale ka nisur të komentohet nëse reperi i ka bërë ‘diss’ Fero dhe Duda. Këta dy të fundit në intervistat e tyre dhe në rrjete sociale e kanë quajtur Unikkatilin “picamen”, duke aluduar se reperi në Shtetet e Bashkuara të Amerikës është punonjës në piceri.
Unikkatil i është përgjigjur këtyre deklaratave përmes këngës së fundit, ku thotë: “Mu picamen? S’je n’veti jo. Qato nuk kom folë se shihet me kohë. Vlej do milion p***, ti as ni trohë. Çka merr n’koncert ti unë lypasv’ i dho”.
Fero ka reaguar menjëherë në rrjetet sociale ku e quajti sërish ‘picamen’ duke bërë ironi me klikimet.
Më tej publikoi një video ku e ofendonte dhe e paralajmëronte se do rikthehet menjëherë në studio për të publikuar këngën e re që sipas tij do jetë e fuqishme.
Fero ka ironizuar edhe Mozzik duke e quajtur ‘Mickey Mouse’ teksa i ka etiketuar të dy.
“Mos më lër të pres 2-3 vjet. Isha duke shkuar në Punta Cana dhe u riktheva në Gjilan. nesër të kallzoj. Mos harro se pasnesër del kënga dhe merr një vaselinë e lyen *****. Edhe për atë farë Mickey Mouse kemi diçka”- thotë ai teksa nuk dihet arsyeja pse përfshiu në konflikt edhe Mozzik.
