Në selinë e Partisë Demokratike ka nisur mbledhja e parë e Këshillit Kombëtar, i cili u zgjodh nga Kuvendi Kombëtar i 30 prillit.
Mbledhja e Këshillit Kombëtar po moderohet nga artisti i mirënjohur Bujar Kapexhiu, i cili u shpreh se sot është një ditë historike përsa i takon zhvillimeve në Partinë Demokratike.
Në mbledhjen e sotme, Këshilli Kombëtar do të zgjedhë kryetarin mes dy emrave që garojnë: Eleina Qirici dhe Edi Paloka.
Gjithashtu, Këshilli Kombëtar do të marrë edhe një vendim lidhur me negociatat për zgjedhjen e Presidentit të ri të vendit.
Të pranishëm në mbledhjen e Këshillit janë 203 anëtarë.
