Këngëtarja Ronela Hajati, e cila do të na përfaqësojë këtë vit në Eurovizion, ka folur për foton e publikuar pak ditë më parë, ku u shfaq duke qarë.
Ronela tha në “Goca dhe Gra” se ishte moment dobësie, pasi ka momente që ndihet vetëm.
“Jemi njerëz të gjithë, sido që shfaqemi në kamera. Edhe burrat më fortë kanë momentet e dobëta, jo më unë, që kam momente që ndihem vetëm, është personale gjëja, nuk ka si shëndeti, vjen para të gjithave. Jam vajzë e fortë, i them vetes do të rregullohen të gjitha. Profesioni ynë është më i gjykuari, pavarësisht se i bëj këngët për njerëzit që t’i pëlqejnë, ndryshe ne nuk do të ekzistonim”.
