Vendi ynë do të japë për Ukrainën 1 mln euro, pas krizës humanitare që ka përfshirë Ukrainën pas sulmit të ushtrisë rusë. Kështu tha kryeministri Edi Rama tha gjatë Konferencës së Donatorëve në Varshavë.
“Në këtë konferencë ne do të kontribuojmë me 1 mln euro, e di që kjo nuk do të ndryshoje fatin e luftës, apo rindërtimin e vendit, por ne jemi të nderuar që jemi këtu. Jam falenderues për të dy si kryeministrin polak ashtu dhe atë të Suedisë që na bëri pjesë të kësaj konference. Ne do të bëjmë më të mirën për ukrainasit dhe Ukrainën me qëllim përfundimin e luftës dhe arritjen e paqes sa më shpejt të jetë e mundur”, tha Rama mes të tjerash.
Që Shqipëria do të ishte pjesë e Konferencës së Donatorëve, Rama e bëri me dije të Martën, gjatë seancës plaenare të thirrur posaçërisht për mbajtjen e një fjalimi me video nga Presidenti ukrainas Zelensky.
Ky i fundit kërkoi që Shqipëria të kufizojë turistët rusë dhe të ndalojë lundrimin e anijeve ruse.
Rama tha më vonë se masat do të vlerësohen nëse pranohet si sanksione nga Bashkimi Europian.
