Sonte në UEFA Europa Ligë do të jetë sprinti i fundit drejt finales së madhe që do të zhvillohet më datë 18 maj në stadiumin “Ramon Sanchez Pizjuan” në Sevilje.
Në orën 21:00, do të luhet takimi i kthimit gjysmëfinal mes Frankfurtit dhe Uest Hemit në stadiumin “Deutsche Bank Park”.
Është gjithçka e hapur në këtë sfidë edhe pse dueli i parë përfundoi me fitoren 1-2 të gjermanëve.
Në po të njëjtën orë do të luhet ndeshja Rejnxhërs-Lajpcig, në stadiumin “Ibrox”.
Gjithashtu edhe ky takim është i hapur për kualifikimin për në finale, ku në duelin e parë ishin gjermanët e Lajpcigut që triumfuan me rezultatin minimal 1-0.
