Edi Rama, bashkë me Mirlinda Karçanaj, drejtoreshën e AKSHI-t trumpetuan shumë zhdukjen e sporteleve dhe fillimin e shërbimeve online, ku sipas tyre përmes një aplikimi, pa pritur në radhë, qytetarët mund të marrin çdo shërbim që u duhet.
Mirëpo, propaganda e tyre ka zgjatur fare pak. Ditën e sotme disa qytetarë kanë raportuar për JOQ se sistemi i E-albania ka rënë dhe ata nuk po marrin dot asnjë shërbim.
Ndër të tjera, ata shtojnë se kalimi i këtyre shërbimeve online ka rritur kostot tek ta, pasi i drejtohen kancelarive dhe noterëve për të ndihmuar që të marrin shërbimin, pasi vetë e kanë shumë të vështirë.
Një qytetare shkruan:
Prsh JOQ! Një aplikim pasaporte online sot: 5 mijë lekë me hap E-albanian. 5 mij lekë me ba aplikimin online për pasaportë. 180 mijë lekë pasaporta 3-ditore. 1 mijë lekë printimi i çertifikatës për tërheqje pasaporte.
Po me tatimet, hipotekat, e transportin ç’do bëhet se nuk punonka mirë as sistemi sot. Po na shkojnë leket kancelarive e noterive tash.
