Entuziazmi i tifozëve të Milanit për afrimin e kompanisë “Investcorp” në Milanello, ka nisur të rikthejë buzëqeshjen e tifozëve prej më shumë se një dekade të zhgënjyer nga ecuria e klubit dhe skuadrës.
Goditjet në merkato të së shkuarës sigurisht që mund të bëhen realitet edhe në të ardhmen por fillimisht, fondi nga Bahreini duhet të mbyllë marrëveshjen me fondin Elliot. Momentalisht, informacionet janë që palët kanë rënë dakort për transferimin e aksioneve me vlerën 1.18 mld. Euro por detajet teknike duhet të diskutohen të gjitha dhe kjo kërkon pak kohë.
Koha dhe modalitetet e pagesës janë kryefjalë e momentit por gjithashtu edhe investimet që Investcorp duhet të bëjë në klub. Në këtë mënyrë, dita e saktë e mbylljes së marrëveshjes nuk dihet ende por palët nuk po nxitojnë ndërsa objektivi i pronarëve aktualë është që Milani të ulë borxhin e gjithashtu të investojë në merkato e infrastrukturë pa marrë hua nga bankat.
