Një tjetër incident ka ndodhur me autobusët urban të Tiranës. Pas atij që përfundoi në lumin e Lanës dhe tjetrit që u përplas në stacion, një tjetër autobus, po jeshil, ka shfaqur problem teknik.
Foto e mëposhtme e publikuar nga JOQ, tregon disa persona që mundohen të ndalin autobusin, i cili ka shfaqur probleme në rrugë.
Nuk dihet nëse problemet e shfaqura me autobusët urbanë të Tiranës, pikërisht ata me ngjyrë jeshile, të promovuara si sukses nga Erion Veliaj, kanë defekte në sistemin e tyre elektrik, apo drejtuesit e tyre, nuk janë të kualifikuar për të tilla mjete.
Në rastin e rënies së autobusit në Lanë, Veliaj e kaloi incidentin edhe përmes batutave, ndërsa në rrjetet sociale ndezi debatin nëse ky automjet mund të shërbente si instalacion, për ti kujtuar drejtuesve të mjeteve që të respektojnë rregullat e qarkullimit.
Ndërkohë që jo shumë orë larg këtij incidenti që fatmirësisht nuk shkaktoi viktima, një tjetër autobus goditi stacionin, dhe fatmirësisht nuk shkaktoi dëme në njerëz, për shkak se nuk kishte në atë moment njerëz në stacion. Dhe rasti i tretë është pikërisht autobusi, që tentohet të ndalet nga disa persona.
