Policia e Tiranës ka proceduar penalisht shoferin e autobusit që ra në Lanë të premten e 29 Prillit. Sipas një njoftimi të policisë thuhet se Muhamet Kyçyku ka shkelur rregullat e qarkullimit rrugor.
“Specialistët e Qarkullimit Rrugor proceduan penalisht shtetasin M. K., 62 vjeç, banues në Tiranë, për veprën penale “Shkelja e rregullave të qarkullimit rrugor”, pasi duke drejtuar mjetin tip autobus, është përplasur me mjetin me drejtues shtetasin J. R., dhe si pasojë e aksidentit, dy mjetet kanë rënë në lumin Lana”, thuhet në njoftimin e policisë.
