Kuvendi Kombëtar i Partisë Demokratike të 30 prillit zgjodhi 150 anëtarët e rinj të Këshillit Kombëtar, të cilëve iu bashkohen edhe deputetët dhe drejtuesit e degëve, që u zgjodhën përmes parimit “1 anëtar, 1 votë”.
E ndërsa në Kuvendin Kombëtar kanë munguar një pjesë e madhe e deputetëve të Grupit Parlamentar, Këshilli i ri Kombëtar i PD, do të ketë në përbërjen e tij mbi 20 ish-deputetë dhe ish-ministra të PD, të cilët më parë ishin laruar apo përjashtuar nga Lulzim Basha.
Mes emrave që janë rikthyer janë Florion Mima, Myqerem Tafaj, Aldo Bumçi, Arben Beqiri apo Genc Pollo, sikundër pjesë e forumit më të lartë drejtues mes dy Kuvendeve, do të jenë edhe Bujar Nishani, ish-President dhe ish-ministër, apo Jozefina Topalli, ish-Kryetare e Kuvendit.
Gjithashtu pjesë e Këshillit Kombëtar do të jenë edhe Eduart Selami, ish-kryetar i PD, apo Tritan Shehu, deputet aktualisht, por që ka drejtuar PD nga 1995 deri në 1997.
Këshillit Kombëtar të PD i janë rikthyes edhe ish-funksionarë të PD, që kanë dhënë kontribute për një periudhë të gjatë, por që ishin anashkaluar nga Lulzim Basha, gjatë 8 viteve që ai drejtoi Partinë Demokratike. Kështu ka një rikthim të Ardian Turkut, Bedri Hoxhës dhe Aurel Bylykbashit, ish-deputetë të PD, apo edhe Lorenc Luka, një prej emrave që për vite me rradhë ka drejtuar strukturat partiake, por edhe ka mbajtur disa prej funksioneve kryesore politike në Shkodër.
Ish-ministrat dhe ish-deputetët
Aldo Bumçi
Arben Beqiri
Arben Imami
Florjon Mima
Genc Pollo
Myqerem Tafaj
Andon Frrokaj
Albina Dedaj
Arben Ristani
Arbjola Halimi
Ardian Turku
Aurel Bylykbashi
Bedri Hoxha
Elena Qirici
Fatbardha Kadiu
Gent Stazimiri
Keltis Kruja
Klevis Balliu
Lorenc Luka
Mimoza Hajdarmataj
Myslym Murrizi
Nadire Mecorapaj
Roland Keta
Rudina Hajdari
Sherefedin Shehu
Voltana Ademi
