Analisti Baton Haxhiu, i pranishëm në emisionin Opinion, tha se në shtator do të rinisin përplasjet mes Qeverisë dhe opozitës.
Haxhiu tha se do të shikoni skena me molotov, një përplasje të fortë.
“Më 30 prill Berisha mori përfundimisht PD, tregoi forcën e tij. Mendoni ju që ata deputetët që nuk shkuan në Kuvend, do i rezistojnë përplasjeve të pritshme mes Qeverisë dhe opozitës?
Absolutisht që jo, ata do bashkohen, do shkojnë aty. Mbajeni mend që do keni shishet me molotov se kjo është fryma që do të bëjë Berisha si kryetar i opozitës”, tha Haxhiu.
Sipas tij, mund të ketë 3 ose 4 deputetë që mund të mos bashkohen, por të jeni të bindur që pjesa tjetër nuk do të kenë asnjë argument, asnjë mundësi tjetër.
