Ish-kryeministri Sali Berisha, nga foltorja e Kuvendit të PD-së, deklaroi se Partia Demokratike nuk vdes kurrë, pavarësisht problemeve me të cilat është përballur gjatë rrugës.
“Jemi sot këtu më të fortë se kurrë më parë. Koha ju thërret ju të çoni përpara kauzën tonë. Me këta delegatë, me drejtimin e ri të PD-së do të bëjmë gjithçka të dalin sa më shumë në krye të kësaj partie, si rruga më e sigurt e fitores së saj. Demokratët shqiptarë vijnë në këtë kuvend kryelartë me forcë politike, me trashëgiminë e saj. Ajo përmbysi një nga diktaturat më të egra në Europë. Më 11 dhjetor patëm një ditëlindje të dytë, në një kuvend historik, rilindi përsëri PD-ja, kjo parti nuk vdes kurrë, ajo jeton dhe do të jetojë në idealet më fisnike shqiptare”, tha Berisha.
Më tej gjatë fjalës së tij, Berisha se ish-drejtuesi i PD-së Lulzim Basha tradhtoi demokratët duke bashkëpunuar fshehtazi me qeverinë.
“Foltorja ishte një rrugë që na u imponua. Kjo rrugë jetike dhe shpëtimtare për ne, na u imponua sepse ne në 8 vite po kalojmë nga disfata në disfatë, nga zhgënjimi, të gjitha këto për shkak të një udhëheqësi të papërgjegjshëm si Lulzim Basha. Parimet dhe vlerat konservatore i zëvendësoi me pazaret dhe bizneset me qeverinë, i cili së fundmi përfundoi i ngërthyer nga të gjitha anët. Shkelmoi sovranitetin e PD-së. Filloi pazaret me narkoqeverinë dhe votoi borxhet”.
Berisha theksoi se “do përmbysim shumë shpejt tiraninë e baronëve të drogës të kryesuar nga Edi Rama”.
Lexo edhe:
Berisha: Sanksionet e DASH nga lobimi i Soros dhe Ramës, i gatshëm për çdo masë nëse provohen akuzat
Berisha: Aty ku shkelet e drejta e qytetarëve, lind protesta e qëndresa
Berisha: Reforma në drejtësi e korruptuar, do ulim taksat, emigrantët do votojnë
Berisha mesazh Vuçiç: Do të keshë fatin e Putinit nëse kërcënon
Berisha: Të ftojmë çdo demokrat të japë kontributin për fitoren e PD
