Deputeti Luçiano Boçi, përmes një postimi në rrjetet sociale, ka reaguar ndaj komenteve mbi incidentin e ndodhur gjatë punimeve të Kuvendit Kombëtar të PD, ku ish-Kryeministri Sali Berisha, u pengua te një prej shkallëve të podiumit dhe u rrëzua.
Boçi në reagimin e tij duke iu drejtuar komentuesve në rrjetet sociale shprehet “mos u ngazëlleni më kot të dashur scribë rrjetesh, megafonë të dalë mode, eunukë politikë! Rënia nuk është gjendje. Për të ajo ka qenë thjeshtë lëvizje”.
Postimi nga Luçiano Boçi
Mos u ngazëlleni më kot të dashur scribë rrjetesh, megafonë të dalë mode, eunukë politikë!
Rënia nuk është gjendje.
Për të ajo ka qenë thjeshtë lëvizje.
Mos harroni:
Fuqia e tij ka qenë gjithmonë aftësia për t’u ringritur më i fortë pas çdo rrëzimi të pësuar.
Lexojeni historinë:
Në 1992 pas 1991, në 2005 pas 1997, dhe tani pas 2013-tës.
Ndërsa sot ai rrëzim pengese rasti vetëm ilustroi se ngritja e tij është e pandalshme.
Pas tij jo më kot erdhi fjala në tërë përshfaqjen e saj.
E plotë.
E paekuivok.
E skanduar me kuptim.
Bindëse për një aksion politik me platformë, vizion dhe shpirt opozitarizmi.
Që forcën e merr nga ringritja.
Që gjallërinë e merr nga anëtarësia.
Që kthjelltësinë e merr nga vota.
E saktë në skandim, në ide politike, në përçim, ajo fjalë ishte ngrtitja me e qartë që u shpërnda në shkallët e elektrizimit të sallës.
Opozitarizmi u nis me vrull në misionin e pakthyeshëm.
Bashkangjitja me të e të gjithëve atyre që e duan vendin, familjen e PD është e pashmangshme.
Vrapimi i koreve pa formë e zë, për t’u kapur pas fatit të pengesës, i bën ata sot peng të mjerimit politik.
Ringritja ushtoi në atë sallë!
Simbolika natyrale e rënies nga pengesat, pas së cilës erdhi ringritja, vetëm sa e zbukuroi rithemelimin!
