Katër shqiptarë janë arrestuar në Britani, pasi janë kapur brenda një ‘shtëpie bari’.
Mediat britanike bëjnë me dije se në pranga kanë rënë shtetasit Arvit Ahmeti, 27 vjeç, Kledjan Bregu, 27 vjeç, Klevist Bregu, 25 vjeç dhe Halit Laka, 22 vjeç.
Autoritetet zbuluan shtëpinë e barit që ruhej nga të rinjtë në Durham.
Kur policia arriti në Valley Street në Darlington rreth orës 14:15, zbuloi 3400 bimë kanabis në një banesë dy katëshe. Në vendngjarje u arrestuan katër persona të dyshuar për kultivimin e kanabisit.
Më 25 maj ata do të dalin sërish në gjykatë për t’u njohur me masën e sigurisë ndaj tyre.
