Kastrioti arriti një fitore të rëndësishme përballë Egnatias me shifrat 2-1 në sfidën e javës së 31-të të Kategorisë Superiore.
Në një prononcim për “Super Sport”, tekniku i krutanëve, Emiljano Çela, dha opinionin e tij për këtë sfidë dhe foli për debatin që kishte me kolegun e tij.
“E kishim përgatitur ndryshe. Kishim probleme në pjesën e parë. Nuk kishim dinamizëm. Skuadra kishte dhe lodhje. Nuk kam parë shenja euforie. Ndoshta sepse gjatë gjithë kohës se unë kam qenë me këmbë në tokë. Ekipi duhet të ketë shumë gjëra që ne nuk i kemi për të shkuar në Kupat UEFA. Në pjesën e dytë kishim diçka më mirë.
Jam i zhgënjyer nga deklaratat që ka dhënë kolegu im. Edhe fakti që ju më pyesni më ofendon. Më ofendon trajneri i Egnatias që ka thënë këto fjalë. Në eufori e sipër i kam thënë shiko ku e ke shkelmin. Përpara disa ditësh ai ka dalë në një emision sportiv, më ka ofenduar publikisht duke thënë se ekipi i Kastriotit luan shkelm dhe i thashë ku e ke shkelmin. I vetmi komunikim ka qenë që i thashë ekipi jot ka luajtur më mirë. Këto viktimizimet nuk i kuptojë, sepse kam folur shumë mirë për ekipin e Egnatias, sepse këtë më ka pëlqyer shumë. Edhe trajneri gjithashtu. Nuk mundesh të ofendosh punën time dhe të këtyre çunave, të thuash që ekipi im luan shkelmë”, u shpreh Çela.
