Ish-kryeministri Sali Berisha, nga Kuvendi Kombëtar i PD, tha se ai u shpall “non grata” nga SHBA si pasojë e lobimit të Xhorxh Soros dhe Edi Ramës Rama.
Berisha deklaroi se është i gatshëm të marrë çdo masë, nëse faktohet qoftë edhe një akuzë ndaj tij.
“Unë jam sanksionuar nga DASH me akuza për të cilat nuk ekziston asnjë fakt provë a dokument. Jam sanksionuar nga Soros dhe Edi Rama. Unë them këtu se kushdo që do paraqesë një fakt një dokument, më të voglën ndaj Berishës ai është i gatshëm të marr çdo masë ndaj vetes së tij. Por duke u zotuar për këtë theksoj unë jam Sali Berisha, kurrë shpifjen gënjeshtrën se pranoj për të vërtetë. Jam mirënjohës me ju që ndani me mua këtë qëndrim”, tha Berisha.
