Ish-kryeministri Sali Berisha deklaroi këtë të Shtunë nga Kuvendi i PD-së se reforma në drejtësi është e korruptuar.
“Do bëjmë gjithçka të zhdukim pasojat katastrofale të kësaj reforme të korruptuar, të rikthejmë ligjin, të vendosim shtetin ligjor”, premtoi Berisha nga foltorja e kuvendit të PD-së, që zhvillohet këtë të Shtunë në Pallatin e Kongreseve.
Ish-kryeministri tha po ashtu se nesër në pushtet, PD do të ulë taksat.
“Garantoj shqiptarët dhe bizneset se Shqipëria do të jetë vendi i taksave më të ulëta në Europë. Jo vetëm kaq, por ky është vend i bekuar. Pasuritë përrallore do të shndërrohen në burime të fuqishme zhvillimi dhe të ardhura për shqiptarët”, tha Berisha.
Po ashtu, u zotua se do të luftojë në mënyrë që të realizohet votimi i emigrantëve në proceset zgjedhore të vendit.
