I kthyer në plan të parë prej dy sezonesh, Milani po lufton në fushë për titullin e kampionit të Italisë me fqinjët e Interit. Në prapaskenë, klubi pritet të merret nga fondi investcorp Bahrein, Investcorp, i cili thuhet se synon t’i kthejë kuqezinjtë në krye të skenës evropiane.
Gjithçka pritet të zyrtarizohet në fund të sezonit për të mos shqetësuar lojtarët e Stefano Piolit në sprintin e fundit. “Gazzetta dello Sport” shpall dy objektivat e parë të pronarëve të ardhshëm të klubit.
Fillimisht pritet të arrihet marrëveshja me Interin për projektin e stadiumit të ri, i cili po zvarritet prej disa vitesh. Më pas, objektivi që i është dhënë drejtuesve është që Zlatan Ibrahimovic, ikona dhe imazhi i klubit, të rinovojë kontratën edhe për një vit.
