Ja Morant, basketbollisti më spektakolar në NBA, tregoi edhe një herë tjetër se nuk e ka frikë përgjegjësinë, duke i dhënë fitoren ekipit të tij, Memphis Grizzlies, me një kosh në sekondin e fundit të ndeshjes ndaj Minnesotta Timberwolves (111-109).
Por, një tjetër aksion i Morant u bë viral në rrjetet sociale. Në fund të periodës së tretë, 22-vjeçari realizoi një zhytje spektakolare.
Ylli i Memphis “fluturoi” mbi kundërshtarin, duke “shkatërruar” koshin e Timberwolves dhe duke treguar që edhe pse jo më i gjati i ligës (1.91), ka një aftësi të jashtëzakonshme në kërcim, që e ndihmon për të realizuar aksione të tilla.
