Faqja online e KPA ka dalë jashtë funskionit teksa pritet vendimi për drejtuesen e Prokurorisë së Tiranës, Elisabeta Imeraj.
Kolegji i posaçëm i Apelimit njofton këtë të Mërkurë vendimin për drejtuesen e Prokurorisë së Tiranës, Elisabeta Imeraj. Si zakonisht, KPA transmeton me video në kohë reale seancat e tilla. Por, vihet re se para vendimit për Imerajn, faqja online nuk funskionon.
Në Prill 2021, Imeraj u konfirmua në detyrë nga KPK. Vendimi u ankimua nga Komisioneri Publik, me rekomandim të ONM-së.
Çështja kaloi kështu në KPA, ku palët parashtruan kërkesat dhe argumentat e tyre.
Sot, pritet që trupa gjykuese e KPA të shprehet me një vendim për konfirmimin ose jo në detyrë të Elisabeta Imerajt.
“Pres drejtësi”, tha Imeraj shkurtimisht për gazetarët para vendimit.
