Augert Zera 35 vjeç, autori i plagosjes me armë zjarri në Durrës, është arrestuar.
Policia konfirmoi arrestimin e tij dhe sekuestrimin e armës me të cilën ai akuzohet se qëlloi 43-vjeçarin Altin Sulku.
Plagosja erdhi pas një konflikti mes palëve për motive të dobëta.
“Specialistët për Hetimin e Krimeve në Komisariatin e Policisë Durrës kapën dhe arrestuan në flagrancë shtetasin Augert Zera, 35 vjeç, i cili ditën e sotme, rreth orës 10:00, në lagjen nr.8 Durrës, gjatë një konflikti të çastit për motive të dobta, ka plagosur me armë zjarri, në këmbë, shtetasin Altin Sulku, 43 vjeç, i cili ndodhet jashtë rrezikut për jetën. Pas plagosjes, autori i dyshuar është larguar nga vendngjarja, por është bërë e mundur kapja e tij. Gjithashtu, shërbimet e Policisë kanë sekuestruar armën e zjarrit me të cilën shtetasi Augert Zera dyshohet se ka plagosur shtetasin Altin Sulku. Materialet i kaluan Prokurorisë, për veprime të mëtejshme”, njoftoi policia.
Lexo edhe:
“Mos bëj zhurmë”, si degradoi në të shtëna me armë konflikti në Durrës
