Drejtori i komanduar i burgut të Reçit është arrestuar dje pasi akuzohet për vjedhje duke shpërdoruar detyrën dhe futjen e sendeve të ndaluara në ambientet e vuajtjes së dënimit.
Shërbimi i Kontrollit të Brendshëm të Burgjeve njoftoi arrestimin e tij: “U ekzekutua urdhëri i Prokurorisë se Rrethit Gjyqësor Shodër, në zbatim të vendimit të Gjykatës së Rrethit Gjyqësor Shkodër me Nr.262 datë 25.04.2022, e cila ka vendosur caktimin e masës së sigurimit personal “Arrest me burg“ dhe “Pezullimi i ushtrimit të një detyre a shërbimi publik” parashikuar nga neni 238 dhe 240/a të K.Pr. Penale, ndaj shtetasit Ervis Zika“.
Ervis Zika akuzohet se ka marrë karburant duke firmosur kartela fiktive. Për abuzim me karburantin po hetohen edhe ish-zyrtarë të tjerë. Po ashtu, akuzohet se ka hyrë në burg pa kaluar në skaner dhe ka dyshime që ka futur sende të ndaluara.
