Gazetari Genc Burimi komentoi në emisionin ‘Task Force’ në Syri Tv masakrën zgjedhore të 25 prillit 2021.
Një vit nga mbajtja e zgjedhjeve, Burimi tha se mbi qeverinë rëndon skandali i patronazhistëve dhe shembja e Teatrit Kombëtar në një natë COVID-i.
Sipas gazetarit, amerikanët kanë shtrembëruar rezultatin e zgjedhjeve të 25 prillit për të mbajtur në pushtet Edi Ramën.
“Shqipëria sot vuan nga një politikë realiste e SHBA-ve. Nuk kemi pse ta mohojmë. SHBA-të vënë në plan të parë interesin e tyre.
Pa u tharë ende boja e kutive të votimit shkon dhe përgëzon Ramën për zgjedhjet. Loja ishte ezauruar.
Amerikanët influencuan zgjedhjet në Shqipëri. Amerikanët influencuan, shtrembëruan rezultatin e zgjedhjeve në Shqipëri.
Fakti i parë, marrëveshja e 5 qershorit tek Ambasada Amerikane, marrëveshje e shkelur nga Rama në korrik, nuk reaguan.
Fakti i dytë, prej 25 prillit Yuri Kim mburret me drejtësinë e re. SPAK nuk nxorri asnjë element nga zgjedhjet.
Partia e Berishës është në luftë me këtë administratë amerikane që kërkon të mbajë Edi Ramën.
Të protestojnë demokratët para ambasadës me slogane. Amerika ka shtrembëruar zgjedhjet”, tha Burimi.
