Një burrë sulmoi me thikë një prift dhe një murgeshë në një kishë në qytetin e Nicës në Francë, thanë zyrtarët sot.
Por sipas mediave të huaja, para se të godiste priftin dhe murgeshën, ai bërtiti “duhet të vrasim Macron.”
Prifti Krzysztof Rudzinski, u godit 20 herë me një thikë 7 centimetra, përpara se murgesha Marie-Claude, 72 vjeç të pritej në dorë, teka përpiqej t’i merrte thikën agresorit.
Policia arrestoi një 31-vjeçar francez nga Fréjus, Franca juglindore, pas sulmit në orën 10 të mëngjesit në kishën Saint Pierre d’Arène, Nice.
Kryetari i bashkisë së Nices, Christian Estrosi, postoi një foto nga brenda kishës dhe tha se agresori ishte një francez ‘jo i qëndrueshëm mendërisht”, dhe mendohet se e kishte planifikuar sulmin prej “disa ditësh.”
Franca zhvilloi sot raundin e dytë të zgjedhjeve presidenciale. Një fitore e Macron në këtë votim e bën atë presidentin e parë francez në 20 vjet që fiton një mandat të dytë.
