Një person është plagosur me armë zjarri sot në qytetin e Kukësit.
Shtetasi me inicialet Emerli Murtati ka plagosur me armë shtetasin me inicialet Festim Axhami.
Shtetasi F.A është aktualisht jashtë rrezikut për jetën. Policia ndodhet në vendngjarje.
Efektivët policorë janë duke punuar për të zbardhur në mënyrë të plotë dinamikën e asaj që ka ndodhur.
Dyshohet se plagosja ka ndodhur për shkaqe të pronësisë.
Njoftimi:
Kukës
Plagosi me armë zjarri një shtetas dhe u largua, falë reagimit të shpejtë të Policisë, pas disa minutash ndjekjeje, kapet dhe vihet në pranga autori i dyshuar.
Sekuestrohet në cilësinë e provës materiale arma e zjarrit me të cilën autori dyshohet se kreu plagosjen.
Më datë 24.04.2022, rreth orës 15:42, në fshatin Shtiqen, shtetasi Buli Murtati, 56 vjeç, pas një konflikti të çastit për motive pronësie, ka plagosur me armë zjarri pistoletë, shtetasin Festim Axhami 46 vjeç, banues në fshatin Shtiqen dhe më pas është larguar me automjet.
Menjëherë, shërbimet e Komisariatit të Policisë Kukës kanë shkuar në vendngjarje dhe falë reagimit në kohë dhe punës së mirorganizuar, bënë të mundur kapjen e autorit të dyshuar të ngjarjes, shtetasin E. M., 56 vjeç, banues në fshatin Shtiqen.
Policia ka sekuestruar në cilësinë e provës materiale armën e zjarrit tip pistoletë, që dyshohet se ka përdorur autori.
I plagosuri shtetasi F. A., ndodhet në spitalin e Kukësit, jashtë rrezikut për jetën.
