Një grua ka kërcënuar me vdekje bashkëshortin e saj. Policia e Kosovës ka njoftuar për një rast kanosje që ka ndodhur në Hajvali.
Sipas raportit të policisë thuhet se viktima mashkull ka raportuar se bashkëshortja e tij, e dyshuara femër kosovare me datë 16.04.2022 kishte dal nga shtëpia, ndërsa me datë 22.04.2022 përmes telefonit e kishte kontaktuar viktimën të cilin e kishte kanosur se do të vrasë atë dhe fëmijët.
E dyshuara nuk është hasur e as nuk është arritur që të kontaktohet nga policia. Lidhur me rastin është konsultuar prokurori i shtetit, rasti vazhdon të hetohet.
