Vllaznia pret në stadiumin “Loro Briçi” Partizanin në sfidën e javës së 30-të të “Kategorisë Superiore”. Të dyja ekipet luajnë me qëllimin për të siguruar 3 pikët, për të qenë në garë për një vend në Kupat e Europës.
Vllaznia e drejtuar nga Elvis Plori, ndodhet vetëm një pikë larg Partizanit në renditjen e kampionatit dhe shkodranët do të kërkojnë të rikthehen dhe një herë te fitorja për të rimarrë sërish vendin e katërt.
Nga ana tjetër, “demat” të drejtuar nga Dritan Mehmeti kërkojnë të afrohen dhe më shumë me Kukësin dhe Laçin, duke pritur gabimin e njërës prej tyre në sfidën midis njëra-tjetrës që do të luhet në mbrëmje je.
FORMACIONET ZYRTARE:
VLLAZNIA: Zogoviç, Gurishta, Adili, Krymi, Latifi, Jonuzi, Kruja, Bulatoviç, Hakaj, Hoxhaj, Aralica.
PARTIZANI: Hoxha, Belica, Marku, Matondo, Skuka, Stenio Jr., Mala, Murataj, Hadroj, Bitri, Rrapaj.
