Vëllai i policit Hysen Gashi, në derën e biznesit të të cilit u vendos eksplozivi ka folur për shpërthimin. Ai ka thënë se nuk kanë asnjë konflikt si familje por shkak mund të ketë qenë puna e 54-vjeçarit si efektiv i “Shqiponjave”.
“Habitemi si ka ndodhur, nuk i ka prish qejfin dikujt. Ne nuk kemi konflikte me askënd. Gruaja me djalin kishin shkuar te vajza në Rrashbull. Shpërthimi është dëgjuar aq shumë sa dhe një atje në Çermë ka pyetur çfarë ishte ai shpërthim,”-tha i vëllai.
Gjithashtu fqinjët dhe të afërmit e efektivit të policisë Hysen Gashi në fshatin Katund i Ri në Durrës janë të tronditur nga shpërthimi i një nate më parë. Ata janë shprehur se janë habitur nga ngjarja dhe shpërthimi ka qenë shumë i fortë.
