Piloti spanjoll Carlos Sainz ka rinovuar deri në vitin 2024 kontratën me skuadrën e Ferrarit.
Lajmi është bere publik nga vetë skuadra italiane, e cila ka shtyrë edhe me dy vite të tjera marrëveshjen që përfundonte në verën e këtij viti.
Sainz u bë pjesë e “kokëkuqes” një vit më parë, ku bëri disa paraqitje pozitive duke mposhtur dhe shokun e tij te skuadrës Charles Leclerk.
Edhe këtë sezon, 27-vjeçari ka qenë një armë shtesë për Ferrarin duke u ngjitur dy herë në podium, por akoma nuk ka regjistruar fitoren e parë.
