Ylli Manjani, ish-ministër i Drejtësisë, ka reaguar lidhur me vendimin e dhënë nga gjyqtarja Blerina Muço, e cila pranoi ankimimin e Enkelejd Alibeajt kundër vendimit të 25 marsit, dhënë nga gjyqtari Agron Zhukri, i cili njohu Kuvendin e PD së 11 dhjetorit.
Manjani shkruan se vendimin i gjyqtares Muço është rast unik në jurisprudencë dhe precedent i rrezikshëm.
“Më vjen keq dhe, përtej respektit që kam për gjyqtaren, por shoh që parimet e gjykimit të rregullt kanë rënë. Ky është vendim i marrë nën presion të jashtëzakonshëm. Gjyqtarja është shumë më e zonja sesa kjo që ka bërë…
Tani mund të legjitimohet çdo pushtetar e diplomat, njësoj si çdo bandit që i bën presion gjykatës dhe mund të mbajë peng të drejtën e kujtdo.
Turp e faqja e zezë!
Them turp sepse fatin e asnjë partie nuk e cakton dot gjykata!
Le ta bëjnë dhëmbin sa Kimi po të duan, por ky është realiteti!”, shkruan Manjani.
Postimi nga Ylli Manjani
Vendimi i Gjykatës Tiranë për të legjitimuar një ankim të një personi që nuk është palë në një sallë gjyqi, është TURP juridik!
Rast unik në jurisprudencë dhe precedent i rrezikshëm.
Më vjen keq dhe, përtej respektit që kam për gjyqtaren, por shoh që parimet e gjykimit të rregullt kanë rënë. Ky është vendim i marrë nën presion të jashtëzakonshëm. Gjyqtarja është shumë më e zonja sesa kjo që ka bërë…
Tani mund të legjitimohet çdo pushtetar e diplomat, njësoj si çdo bandit që i bën presion gjykatës dhe mund të mbajë peng të drejtën e kujtdo.
Turp e faqja e zezë!
Them turp sepse fatin e asnjë partie nuk e cakton dot gjykata!
Le ta bëjnë dhëmbin sa Kimi po të duan, por ky është realiteti!
Të fala reformës dhe drejtësisë së pavarur!
****
Thirrja ime për trupën gjyqësore të Republikës së Shqipërisë është:
Përbuzni çdo ndërhyrje ambasadash!
Ambasadorët shkojnë e vijnë! Njësoj dhe pushtetarët.
Shqipëria na mbetet neve.
