Ish-deputeti Myslim Murrizi ka ironizuar ambasadoren amerikane Yuri Kim, të cilën e krahason me një dado që po kujdeset për fëmijët e llastuar të politikës.
Murrizi duke reaguar ndaj qëndrimit të Kim, e cila mori në mbrojtje Enkelejd Alibeajn, pas një incidenti banal që ky i fundit pati në foltoren e Kuvendit me ish-kryeministrin Sali Berisha, shprehet se “po nëse dikush e prek ose e shtynë pa dashje Enkeledin ose të gjithë Enkelejdat në radhë të qumështit, në radhë të bukës, në radhë në stadium, në aeroport e kudo që ka radhë, kush do kujdeset për këtë kategori?????”.
Postimi nga Myslim Murrizi
“Sa mirë është kur ke “dado” që kujdeset për çdo prekje të “fëmijëve” të llastuar në politikë.
Po nëse dikush e prek ose e shtynë pa dashje Enkeledin ose të gjithë Enkelejdat në radhë të qumështit, në radhë të bukës, në radhë në stadium, në aeroport e kudo që ka radhë, kush do kujdeset për këtë kategori?????
Shyqyr që nuk kanë kamera brenda banesës, se sa herë i shtyjnë me dorë e me këmbë, këtë kategori njerëzish, brenda familjeve do kishin ardhur marinsat në Tiranë.
Po në shkurt të vitit 2019 kur Enkelejdi bashkë me të gjithë grupin e miqve dhe armiqve të sotëm, shtynin para hyrjes së Parlamentit policët, hidhnin tymse e kapsolle, gurë e pllaka trotuari, madje shtynë fort edhe një deputet të PS, si nuk pati kujdestarë për të shtyrët e asaj periudhe????
Ahhhh sa me fat janë politikanët që kanë si dado ndërkombëtarët, por fatkeqësisht nuk i pjerdhin me votë Shqiptarët.
Prej 31 vitesh kanë qenë mbi 50 politikanë me dado dhe të fryrë në mënyrë artificiale por që kur vijnë zgjedhjet shfryhen si top me gomerdare që i plas ose i këputet pipthi”, shkruan ai në rrjetet sociale.
