“Po ta dija nuk do i lejoja të ftuarit të bënin foto e video”, u shpreh Monika Lubonja lidhur me bujën e madhe që bëri ditëlindja e saj në rrjetet sociale.
Por ajo që u bë nuk kthehet më dhe komentet rreth festës së saj të çmendur vijojnë ende.
Një nga gjërat më të përfolura ishte kërcimi i saj sensual me koreografin dhe ish-banorin e “Big Brother VIP”, Tan Brama.
Dyshja performoi një koreografi shumë hot në një karrige teksa videoja e këtij momenti është bërë virale kudo në rrjet.
Lidhur me këtë kërcim ka folur ditën e sotme Tani i cili tha se ishte diçka spontante që duhet ta kishin bërë që kur ishin në shtëpinë e famshme. Ai u shpreh se ka marrë komente pozitive përveç pak kritikave.
Por si ka reaguar bashkëshortja e tij? Tani tha se ajo e kishte parë videon në rrjetet sociale ndonëse ai nuk i kishte treguar. “Ç’është kjo që ke bërë?” e kishte pyetur partnerja atë i cili ishte munduar të kalonte situatën me qetësi dhe sportivitet.
“Ishte Freestyle dhe nuk e kishim përgatitur. Po mendonim çfarë të bënim ndonjë gjë ndryshe. I kisha thënë dikur se nuk dinte të kërcente por aty më ndiqte shumë bukur.
Duhet ta kishim bërë që në shtëpinë e “Big Brother VIP”. Kur pashë karrigen dhe muzikën në sfond thashë ‘Do bëjmë këtë gjë’. Përveç pak komenteve negative, duket se e kanë pëlqyer njerëzit.
Kurse gruaja më tha: “Ç’është kjo, ç’ke bërë? Kishe bërë super kërcim mbrëmë.” Unë nuk i kisha thënë gjë por e kishte parë. I thash: “Gjëra të thjeshta, duhej të kishte ndodhur brenda shtëpisë së “Big Brother VIP”. Po të ishte e fshehur, nuk do e bëja”, tregoi Tani.
Ndërsa i pyetur se pse munguan në ditëlindjen e Monikës, Ilir Shaqiri dhe Donald Veshaj, Brama u përgjigj:
“Donaldi duhej të ishte, po ka qenë në koncert. Iliri nuk besoj se do të vinte, është pak kokëfortë, i mban inatet. Do ishim kënaqur shumë, do kishim kërcyer bashkë”.
Vetë Monika tha se Ilirin nuk e kishte ftuar sepse ishte në Itali kurse për Donaldi tregoi se e dinte që do mungonte pasi ishte në koncert.
