Ish-ministri i Brendshëm Saimir Tahiri, i dënuar për shpërdorim detyre me 3 vjet e 4 muaj heqje lirie, ka bërë kërkesë në Gjykatën e Lartë për pezullimin e dënimit me burg.
Tahiri përmes avokatit të tij ka kërkuar pezullimin e ekzekutimit të vendimit të Apelit të Gjykatës së Posaçme.
Sipas Tahirit, vendimi i Apelit është marrë në kundërshtim me ligjin.
Ndërkohë, pak ditë më parë, ishte SPAK që iu drejtua me rekurs Gjykatës së Lartë duke kërkuar dënimin e ish-ministrit edhe për veprën penale “trafik droge në kuadër të grupit strukturuar kriminal”.
