“E ndjej për detyrë sot me tu kthyer në shtëpi do pi ujë nga çezma dhe jam i gatshëm ta bëj video dhe do ta hedh jo në Twitter, por në Tik-Tok”.
Deklarata u bë këtë të Enjte nga foltorja e Kuvendit nga kreu i qeverisë Edi Eama. Po, po! Kryeministri i vendit, njeriu që na qeveris, thotë se uji që vjen në çezmat tona është i pijshëm!
Dhje jo vetëm kaq, por u zotua se do ta dokumentojë me video dhe do ta bëjë publike. Nuk dihet se çfarë filtrash përdor Rama në shtëpinë e tij në Surrel për të filtruar ujin në mënyrë që ta bëjë të pijshëm. Po ashtu, mister mbetet nëse Rama beson vërtetë se uji i rubinetit është i pijshëm, apo zgjedh të bëjë propagandë të trashë. Dhe me çfarë?! Me ujin që të gjithë qytetarëve u rrjedh në rubinete.
Ndoshta Rama nuk e di, por që në vitet 2016-2017, uji që rrjedh në rubinetet e qytetarëve të Tiranës, u cilësua jo i pijshëm me vendim gjykate.
Që prej atëherë, situata nuk është përmirësuar shumë dhe kjo është lehtësisht e verifikueshme.
Vetëm disa ditë më parë, në media u transmetua sesi një analizë e kryer në zonën e Astirit në Tiranë tregoi rezultate të frikshme të ujit – për të cilin Rama pretendon se është i pijshëm.
Ndoshta Rama duhet të pyesë Erion Veliajn për të mësuar të vërtetën. Së fundmi, Bashkia e drejtuar prej tij hapi tender për të blerë ujë për konsum për punonjësit e saj.
Mund të pyesë dhe Belinda Ballukun, e cila mund ti tregojë për një tender të ngjashëm që ministria e saj hapi disa muaj më parë.
E ndërsa qytetarët e Tiranës dhe jo vetëm, blejnë ujë për gatim e konsum, apo blejnë filtra, Rama sugjerohet që ta vendosë një pyetje në Këshillimin Kombëtar, për të mësuar nëse pihet uji i rubinetit.
