Dhe “Bela” nuk e pi ujin e Veliajt, bën tender për 500 shishe ujë qelqi!

Nga BoldNews.al

Një nga premtimet e politikanëve, këto 30 vite tranzicion, ka qenë 24 orë ujë të pijshëm. Megjithëse Shqipëria është një nga vendet me burime të mëdha ujore, sërish qytetet dhe fshatrtat vuajnë për pikën e ujit. Por, pavarësisht këtyre problematikave, Lali Eri ka pretenduar se uji në Tiranë është i pijshëm! Aq i pijshëm sa disa javë më parë ne publikuam se Erion Veliaj bëri tender për ujë të pijshëm për punonjësit e Bashkisë së Tiranës. Por, edhe një ish-drejtore e hershme e Bashkisë së Tiranës, tashmë në krye të Ministrisë së Infrastrukturës, Belinda Balluku, nuk e pi ujin e Veliajt.

Sipas dokumentit që disponon BoldNews, ministrja Belinda Balluku, që “shokët” e partisë e thërrasin “Bela”, ka hapur një tender me objekt “blerje ujë të pijshëm”. Në dokument thuhet se kërkohet të blihen ujë natyral 0.75 litra në shishe qelqi. Natyrisht, zyrtarët e shtetit e duan edhe me ambalazh qelqi, ndërsa e duan edhe të kontrolluar. Në këtë tender, që është me fond nën 8 milionë lekë të vjetra, kërkohen të blihen plot 500 shishe ujë qelqi. “Kërkojmë 500 copë shishe ujë qelqi me përbërësit karakteristikë të ujit duhet të jenë si më poshtë: Ca² 32,2 mg/L; Mg² 6,5 mg/L; Na 6,6 mg/L; K 0,8 mg/L; HCO 106 mg/L; SO² 22,0. Gjithashtu të ketë përbërësit; mg/L; CI 7,8 mg/L; NO 2,9 mg/L; mineralizimi total 192 mg/l, mbetjet fikse në 180C 141mg/L”. Parametrat më të mirë të ujit në treg. Mësohet se operatori ekonomik i renditur i pari, duhet të paraqitet pranë autoritetit kontraktor  brenda 24 orëve nga njoftimi i fituesit. Pra, Bela e kërkon ujin urgjent, pasi kanë filluar edhe ditët e nxehta të verës.

LEXO EDHE  Nuk iu bindën policisë dhe kërcënojnë me armë efektivët, arrestohen dy persona! Emrat