Policia e Shkodrës ka identifikuar autorin e plagosjes së 28-vjeçarit Edis Reçaj në Shkodër.
Kjo ngjarje e rëndë ndodhi mbrëmë. Policia nuk e ka dhënë identitetin e personit të shpallur në kërkim.
Kjo, sepse hetimet për ngjarjen janë akoma në vazhdim. Autori dhe i plagosuri kanë qenë bashkë në të njëjtin automjet.
Kështu, policia ka bërë shpalljen në kërkim të të dyshuarit. Ngjarja u regjistrua mbrëmjen e së martes në lagjen Perash.
Reçaj mbërriti i plagosur mbrëmjen e djeshme në spitalin e Shkodrës, ndërkohë që kishte marrë një plumb në gjurin e djathtë.
Deri tani mbetet mister motivi i plagosjes, sa kohë që autori dhe Reçaj kanë qenë së bashku në një automjet, gjë që tregon njohjen e mëparshme mes tyre.
