Monika Kryemadhi, kryetare e LSI, u shpreh se inceneratori i Elbasanit ka një kosto 3 mln euro, ndërsa figuron 26 milionë euro.
Në emisionin “Opinion”, Kryemadhi tha se bazuar te kontratat punimet kanë një kosto 3 mln euro, ndërkohë që janë paguar 26 mln, pra 23 mln euro më shumë.
Kryemadhi tha se “Lefter Koka dhe Alqi Bllako në këtë procesin e inceneratorëve janë si shpërndarësit, pasi koka e të gjithë aferës është Edi Rama”.
Referuar vendimit të Gjykatës së Lartë, Kryemadhi tha se tekstualisht thuhet se ka shkelje të procedurave për inceneratorët, ndërsa Edi Rama thotë se nuk ka asnjë shkelje procedurash.
“Lefter Koka është propozuesi, po ata që e kanë zbatuar pse nuk arrestohen?”, tha Kryemadhi. Ajo tha se paratë që Lefter Koka ka marrë nga inceneratori i Elbasanit i ka përdorur për shlyerjen e kredive të tij bankare.
