Nga Boldnews.al
Taksat e shqiptarëve të varfër paguajnë luksin e diplomatëve shqiptarë në të gjithë botën. Boldnews.al ka siguruar dokumentet e një tenderi që po kryen Ministria për Evropën dhe Punët e Jashtme, për sigurimin e diplomatëve dhe personelit në ambasadat dhe konsullatat shqiptarë. Lista është shumë e gjatë dhe përbëhet nga plot 335 persona, në 51 seli diplomatike.
Këta persona do të sigurohen në mënyrë që mos t’u mungojë asgjë. Madje, do t’u mundësohen edhe vizita nga më të thjeshtat, por edhe lëvizja me helikopter nga njëri vend në tjetrin. Duke parë kushtet në të cilat jetojnë shqiptarët, apo shpenzimet e tyre për mjekësinë, përfitimet e diplomatëve ngjasojnë me një “botë tjetër”. Por, duke shtuar se kush është i punësuar në këto seli diplomatike, atëherë problemi zmadhohet, pasi kemi njerëzit më të afërt të politikanëve të çfarëdo krahu politik.
Sipas dokumenteve që disponon Boldnews.al, Ministria për Evropën dhe Punët e Jashtme ka hapur tenderin me objekt “blerje sigurim shëndeti, shëndet në udhëtim dhe jete” me fond limit 112.220.076 lekë pa TVSH. Ose me TVSH shuma shkon në plot 1.1 milionë euro. “Kohëzgjatja e kontratës kuadër ose afati për zbatimin e saj nga momenti i nënshkrimit të kontratës deri me 31.12.2022” thuhet në dokumente.
Por, ato që bien në sy janë përfitimet e diplomatëve. Më poshtë janë të gjitha përfitimet e diplomatëve. Ndërkohë, BoldNews.al po boton edhe listën e plotë të 335 personave përfitues në 51 seli diplomatike.
Lista e përfitimeve:
Lista e përfituesve:
