“Janë mbledhur që të çojnë rripin e pantallonave të Ramës në presidencë”. Kështu shprehet nënkryetari i LSI-së Petrit Vasili për mbledhjen e grupit parlamentar të PS-së këtë të Martë.
Partia Socialiste nisi sot procesin për zgjedhjen e kandidaturës për Presidentin e Republikës. Deputetët e selisë rozë, në mbledhjen e grupit parlamentar shënuan nën një formular 3 propozimet e tyre. Procesi megjithatë ka pasur kritika të shumta dhe është cilësuar si “show” duke qenë se PS i ka votat për zgjedhjet e Presidentit të ri.
Gjatë fjalës së tij, kryeministri Edi Rama sulmoi kreun aktual të shtetit Ilir Meta, për të cilën tha se është presidenti më skandaloz që ka njohur historia e institucionit të Presidentit.
