Ish-banori i “BBV”, këngëtari Sabian Medini, i ftuar në “Wake Up”, u pyet se me cilin nga ish-banorët do bashkëpunonte. Ai tha se ishte i hapur për të gjithë dhe se nuk do thoshte ‘Jo’ por, veçoi Fifin.
“Do kisha bërë një bashkëpunim me Fifulën. Kam një marrëdhënie shumë të mirë. Nuk kemi gjë konkrete por pse jo në të ardhmen nuk i dihet.”- kështu u shpreh Sabiani.
Ai u pyet edhe lidhur me këngën e Beatrix “Më shumë se ti”, dhe tregoi nëse iu duk një dedikim për Donaldin.
“Nuk ishte Beatrix vetë autore. Mua më pëlqeu performance dhe produksioni. Sa për dedikimin nuk e di.”– u përgjigj shkurt ai.
Monika Lubonja realizoi një festë ditëlindjeje dy ditë më parë, ku ra në sy mungesa e Sabianit mes të ftuarve të tjerë.
“Nuk isha në ditëlindje sepse nuk më ka ftuar. Nuk kemi komunikuar. Jemi takuar te ditëlindja e Big Mamës jemi përqafuar. Nëse do më ftonte do shkoja.”- u shpreh këngëtari.
Kujtojmë se Monika dhe Sabiani kanë patur një marrëdhënie të mirë kur ishin pjesë e “Big Brother VIP”. Por kur Sabiani doli, Monika dhe Iliri prishën marrëdhëniet dhe u përfshinë në debate të ashpëra dhe ofendime të shumta. Reagimi i Monikës nuk i pëlqeu Sabianit i cili nga jashtë bëri një deklaratë të fortë për të duke e quajtur ‘tradhtare’.
Pas daljes, Monika tha se i ka ‘bërë bllok’ Sabianit dhe se deklarata e tij i ka ardhur si bombë.
