Elis Suçi është 30-vjeçari që është shpallur në kërkim nga Policia e Tiranës pasi dyshohet se është një nga autorët e grabitjes së Postës në Kamëz.
Por, Suçi ishte në kërkim nga Policia e Shtetit.
I riu, ka hapur zjarr ndaj shërbimeve të kryeqytetit më 3 Mars të këtij viti.
Ai ishte shpallur dhe më parë në kërkim për vjedhje dhe efektivët e kryeqytetit sapo kishin marrë njoftim për vendndodhjen e tij, shkuan ta arrestonin mirëpo u përballën me sulm nga ana e tij.
Ai qëlloi me armë zjarri mirëpo fatmirësisht plumbat nuk kapën asnjë nga policët.
Suçi së bashku me Algert Kurtin u futën të maskuar në Postën në Kamëz, duke mundur që të merrnin një shumë parash.
