Kukësi përgatit rikthimin në shtëpi dhe fton të gjithë tifozët të mbushin shkallët e “Arenës” së qytetit verilindor të shtunën në orën 20:00 nëpërmjet një videoje të veçantë të publikuar në rrjetet sociale.
Sfida me Laçin, e vlefshme për garën e vendit të dytë në klasifikim, merr një rëndësi të veçantë pasi për herë të parë pas tre vjetësh, tifozët e qytetit verilindor do të zbarkojnë në stadiumin e shtëpisë që pas rikonstruksionit të plotë. Hyrja do të jetë e lirë për tifozët e skuadrës së drejtuar nga Diego Longo.
