Aktorja Monika Lubonja, e ftuar në “Why?Not”, ka treguar se pavarësisht të gjitha vështirësive më të cilat është përballuar, zgjodhi mos viktimizohej brenda shtëpisë së “Big Brother VIP”.
“Jeta që unë kam kaluar, pavarësisht se deri në moshën 19-vjeçare pashë botën e ëndrrave, të filmave, të atyre gjërave që një adoleshent i ka krijuar, më vonë provova egërsinë e jetës.
Kam kaluar shumë siklete të mëdha, duke nisur që nga arrestimi i babait tim në atë kohë, divorcin tim, gjëra që unë kam parë shumë e shumë më të vështira. Në atë lloj shtëpie unë nuk doja më të sillja as vuajtjet e mia, as hallet e mia, por doja t’i hiqja më vete dhe me gjithë të rinjtë kam pasur një lloj komunikimi dhe kam bërë një lloj përshtatje që them se nganjëherë zor se i shikoja ata me moshat e tyre që përshtateshin.
Jo më unë që kam bërë një përshtatje. Nga ana emocionale kam pasur momentet e mia që realisht kam qenë shumë keq, kam pasur lodhjet e mia të padiskutueshme sepse e kam thënë që gjërat janë komplet ndryshe në krahasim me atë që ju keni parë.”- tregoi Monika.
