Një pjesëtar i policisë serbe i cili aktualisht është në kërkim pasi dyshohet se është pjesë e një bande kriminale, është arratisur në Shqipëri.
Danilo Stojanoviç, dyshohet se i përket grupit kriminal të Darko Sariç. Ai fillimisht u largua drejt Malit të Zi, por duket se shpëtim ka gjetur në Shqipëri.
Mediat serbe shkruajnë se Stojanoviç u arratis nga policia kufitare në vendkalimin Grncar midis Malit të Zi dhe Shqipërisë pasi makina e tij u ndalua.
Drejtoria Policore e Malit të Zi ka konfirmuar se në momentin kur makina e tij u ndalua për kontroll, ai ka dalë nga makina dhe ka ikur.
Drejtues të policisë malazeze kanë deklaruar se për Stojanoviçin në Mal të Zi nuk ka pasur një urdhër-arrest aktiv, por kërkimi për të është në vazhdim e sipër.
