Shoqata e Infermierëve të Shqipërisë ka reaguar në lidhje me ngjarjen e rrallë që ka ndodhur gjatë mesnatës së djeshme në ambientet e Qendrës Spitalore Universitare “Nënë Tereza” ku një vajzë e cila ka shkuar me dhimbje barku ka lindur në tualet foshnjën e saj.
“E reja qe lindi ne urgjencë deklaroi që nuk ishte në dijeni për shtatzëninë”, thuhet në reagimin e Shoqatës së infermiereve të Shqipërisë.
Shoqata e Infermierëve njofton se ka marrë informacione të mëtejshme të një rasti te rrallë të ndodhur në Shqipëri.
Stafi deklaroi se vajza sapo është paraqitur në Urgjencë, ku ka deklaruar për dhimbje te forta barku dhe fryrje barku dhe direkt është drejtuar për në tualetin e Urgjencës ku në pak minuta ajo dhe ka kryer një lindje në ambientet e tualetit.
Pas ndihmës së dhënë aty e reja bashke me fëmijën është shoqëruar ne ambientin e sallës së kirurgjisë ku është bërë dhe trajtimi i mëtejshëm dhe ku është kryer dhe prerja e kordonit te bebit e me pas është njoftuar stafi i maternitetit të cilët janë paraqitur dhe kane transportuar në ambientet e maternitetit nënën me fëmijën e saj.
“I gjithë stafi ka mbetur i shtangur kur nëna kishte deklaruar që nuk ishte ne dijeni të një shtatzënie e cila ka sjell një reagim të madh ne mes stafit dhe familjarëve të vajzës. Gjithsesi i urojmë shëndet te mirë nënës dhe fëmijës dhe pse nje ngjarje e tille është një këmbanë alarmi për rininë Shqiptare“, thuhet në reagimin e Shoqatës së Infermierëve.
E reja ishte paraqitur në spital më datë 17 prill në orën 02:00 të mëngjesit pasi kishte dhimbje barku. Ajo fillimisht kishte shkuar në urgjencën e sëmundjeve të brendshme, por më pas nga mjekët roje i është kërkuar që të shkojë në tualet.
